I Stryn kyrkjelege fellesråd er det 8 sokn, med 16 tilsette fordelt på 9,3 årsverk, i tillegg til tre prestar. Trusopplæringsarbeidet har vore ei satsing i mange år, og er felles for alle sokna. Vi treng no ei satsing på det diakonale arbeidet, og vil styrke staben med ein person som kan koordinere og leie dette.
For å styrke det diakonale arbeidet opprettar vi no ei fast stilling som diakon/diakoniarbeidar i 50%.
Base for stillinga blir kyrkjekontoret i Stryn, med kyrkjeverja som næraste overordna.
Fellesrådet ynskjer i første omgang at det diakonale arbeidet særleg skal styrke innsatsen retta mot barn/unge og eldre/sjuke/sørgjande.
Arbeidsoppgåver:
- Leie planarbeidet for diakoni, i tett samarbeid med sokneråda og staben.
- Følgje opp sokneråda sitt lokale diakoniarbeid.
- Styrke den diakonale profilen i arbeidet for barn og unge
- Heimebesøk, sjukeheimbesøk og samtalar
- Sorgarbeid og sjelesorg
- Delta i gudstenester og undervisning knytt til det diakonale arbeidet
- Oppfølging av frivillige
- Samarbeide med offentlege og frivillige organisasjonar
- Det vil vere mogeleg å tilpasse arbeidsoppgåvene etter kva styrker og ynskjer den tilsette har.
Vi søker deg som:
- ynskjer å legge til rette for at fleire kan få erfare Guds kjærleik gjennom kyrkja sitt diakonale arbeid.
- har organisatoriske evner, er sjølvstendig og ser verdien av å arbeide tverrfagleg.
- har gode samarbeids- og kommunikasjonsevner
- er omgjengeleg og har evne til å bygge gode relasjonar
- er utdanna diakon eller har anna relevant utdanning og erfaring.
- er medlem i Den norske kyrkja
Søkar må ha førarkort og disponere eigen bil.
Politiattest må leggast fram ved tilsetjing.
Personlege eigenskapar vil bli vektlagt.
Om den som er tilsett ikkje er kvalifisert til vigsling som diakon, vil det bli lagt til rette for å oppnå nødvendig kompetanse for vigsling.
Ved ynskje om større stilling, kan stillinga kombinerast med ei mindre stilling som kyrkjemusikar, gravferdsarbeidar eller kyrkjetenar.
Vi tilbyr:
- Ein meiningsfull og variert jobb i nyoppretta stilling.
- Dyktige medarbeidarar og eit triveleg arbeidsmiljø.
- Engasjerte sokneråd.
- Lønn etter gjeldande avtaleverk i KA
- Pensjonsordning i KLP
Oppstart snarast råd.
Meir informasjon om kven vi er,og om arbeidet vårt: www.stryn.kyrkja.no
For nærare opplysingar, kontakt kyrkjeverje Kari Synnøve Muri, tlf. 91327882.
Søknad med CV vert å sende til:
Stryn kyrkjelege fellesråd, Rognehaugen 11, 6783 Stryn.
Epost: kari.muri@stryn.kommune.no
Søknadsfrist: 23. januar